朱敏瀚越洋送花 余思霆 7月有歸期

東方日報
·1 分鐘文章

藝人余思霆自去年秋天被無綫「派差」往台灣拍攝連串綜藝節目後,一直未有「歸期」,近日更有指可能要待到7月才能返港。她與男友朱敏瀚連月來未能相聚,平日只靠視像保持聯絡,幸感情有增無減,日前朱敏瀚越洋送上大束玫瑰,氹得她抱花連拍,並上載到社交網放閃,引起網民熱話。

談到男友今次的驚喜,思霆以語音短訊冧爆回應:「佢傻(口架),紮花送到我屋企樓下,真係未試過。我唔係特別鍾意花,但見到都好感動。(閃盲網民喎!)原諒我哋啦,我哋Long D咁耐,點都要做啲嘢維繫嘛!」朱敏瀚則表示:「依家可以網上訂花,好方便。(女友好冧喎!)咁要問番佢。(束花好貴?)又唔使幾千蚊。」