朱晨麗秘密練兵收復失地

朱朱到藝術中心攞小冊子。
朱朱到藝術中心攞小冊子。

藝人朱晨麗(朱朱)早前明顯讓賽,「失蹤」近1年直至最近獲無綫委以重任,將夥拍黎耀祥及羅子溢等演出重頭劇。為收復失地,她不敢怠慢,日前被發現獨個兒現身灣仔攞表格計劃再進修,並到藝術場所「吸靈氣」,望於劇集開拍前做足準備增值自己,發憤圖強誓要奪回屬於自己的「位置」。

朱朱身為2011年港姐冠軍,外形討好且舞技精湛,卸任後即獲派往戲劇組發展,10年以來演出近20套劇集、超過5部電影,4年前更憑劇集《超時空男臣》奪得台慶「最佳女配角」,風頭一時無兩。不過,去年她突然「消失」幕前,反觀同期花旦如蔡思貝及高海寧等卻爭取機會上位,朱朱明顯讓賽被拋離。原本靠社交網與粉絲保持聯絡的她,早前竟遭人盜用戶口,她形容「慘過唔見錢」,搞足18日始奪回控制權向大家「報平安」,認真禍不單行!

大頭蝦獨自出動

朱朱深知是時候追落後,早前開始發力搶灘,夥拍劉佩玥與鄧佩儀於《開心大綜藝》首播上陣,一展舞技贈興預告「回歸」,成功引起網民關注。而事實上她已獲派演出《巾幗梟雄IV》,飾演黎耀祥胞妹,且與劇中的「民初流氓」羅子溢有段可歌可泣愛情故事。大隊暫定8月底北上到橫店準備及開鏡,此劇亦是朱朱完成補拍《法證先鋒IV》後,相隔超過年半再投入劇集拍攝,粉絲自然引頸以待。

朱朱日前下午被發現獨自現身母校演藝學院門外,戴上口罩的她在門外填表登記,不過似乎大懵忘記因疫情關係,學校不對外開放,擾攘一輪由保安遞出一疊進修課程單張給她。未幾她徒步往附近的藝術中心,索取演出小冊子查看,又於小攤位Shopping,逗留約半小時。隨後她再到附近小店坐下歎果汁休息,期間「文青上身」不停查閱剛取得的小冊子,又撳手機似找朋友,約黃昏時才離開。

「最緊要有工開」

事後記者聯絡朱朱,她解釋說:「其實我唔係消失,只係公司原本安排咗我返內地拍綜藝節目,Hold咗期又因疫情遲遲未能成行,咁嘅情形劇組又用唔到我,依家我咪趁得閒,想報啲課程進修吓先囉。本來諗住返演藝攞課程單張之餘仲探吓啲老師,咁多年我哋都有保持聯絡嘅,依家惟有再搵機會啦!(8月返內地拍劇?)你哋收風仲快過我喎,我真係乜都唔知,如果係梗係好啦,疫情下最緊要有工開,總之有新消息一定會公布。」

朱朱到演藝學院攞進修課程單張。
朱朱到演藝學院攞進修課程單張。
在小店坐下時,托住頭撳手機。
在小店坐下時,托住頭撳手機。
朱晨麗獲派演出重頭劇,大有發揮機會!
朱晨麗獲派演出重頭劇,大有發揮機會!