朱智賢容貌再升級 網民認為親生父母都認唔出 曾回應變樣疑雲

朱智賢（Ashley）為2013年落選香港小姐，其後簽約TVB成為藝人，因主持J2節目《3日2夜》大晒身材而成為新一代女神。早前朱智賢盛裝出席《2022香港小姐競選》決賽，又於社交平台分享當日造型照，但就惹嚟變樣疑雲。而原來，朱智賢曾回應過被質疑整容一事。

港姐決賽當晚，朱智賢身穿白色透視超高衩晚裝，露出一邊香肩與長腿，令網民大讚靚女加充滿仙氣：「靚過冠軍」、「我喜歡你，好靚女」、「有仙氣好索好迷人」、「這條晚裝突顯你的完美身段！超靚超索！好吸引啊！」等等。亦有網民發現朱智賢五官輪廓與以前唔同，認為好似變咗另一個人咁：「無可能認到、「親生父母都認唔出」、「又進化了？」、「唔同晒樣」等等。

對於整容疑雲，朱智賢曾經向媒體解釋，指那時的她只有十幾歲，唔係好識化妝，深信很多人十幾二十年前後個樣都會有分別。今個年初，有網民分享朱智賢舊照，睇返相個樣真係差好遠；佢解釋指當時僅十幾歲，唔係好識化妝，加上25歲共剝咗8隻牙及箍牙，所以個樣會有啲唔同。朱智賢曾分享，自己從來唔會不考慮去執樣，就算打針微調都唔得，崇尚自然美；又承認自己化妝前後相差好大，就連爸爸見到朱智賢都話：「嘩，阿妹，你化妝前後完全係兩個人嚟」，而媽媽就表示：「你無化妝唔好出街嚇人」，令朱智賢甚少素顏示人。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！