朱智賢食腦阿嫂晒母愛 張寶兒深陷型男堆從良

張寶兒(左)約埋朱朱探討角色。
張寶兒(左)約埋朱朱探討角色。

藝人張寶兒與朱智賢(朱朱)在新劇接受越級挑戰,朱朱將首次做人母,飾演有智有謀的江湖大嫂,寶兒則由壞人演到變好人,角色貫穿男主角陳豪及蕭正楠之間。

由羅永賢監製、演員陳豪、胡定欣、蕭正楠、張寶兒、朱朱及張曦雯等合演的無綫新劇《破毒強人》即將開拍,多位演員在劇中都有新嘗試,最令他們開心的是劇本早已有齊,定欣前日就在社交網晒劇本,表示正在「做功課」。至於張寶兒及朱朱亦努力刨劇本,分屬好友的她們日前更相約歎Tea,順便交流角色。

一口氣刨劇本

監製羅永賢受訪時坦言,今次找寶兒演出是因為看到她在《星空下的仁醫》表現相當不俗,所以安排她演重要角色再作挑戰,飾演時事主播的她會貫穿男主角陳豪及蕭正楠之間。寶兒大讚劇本出色,忍不住一口氣看了27集。提到之前在劇集《OPM》都是飾演傳媒,她表示:「之前係財經記者,今次係時事記者,今次角色會更深層次,好似局中人一樣。初頭聽古仔時,監製話我今次係做衰人,但之後會變好,但睇完劇本後覺得角色一啲都唔壞,因為我明點解佢要咁做。可以同咁多前輩有對手戲,真係好期待,而且私底下同定欣、朱朱都好好朋友,所以開工時應該好開心!」

父女變夫妻

至於朱朱笑言上次與蔣志光在《食腦喪B》演父女,今次竟搖身一變演兩公婆,反差甚大,更透露會首次演母親角色:「今次造型比較特別,仲試緊,不過今次角色同以前唔同,以前強勢啲,今次有氣勢之餘,仲聰明、成熟啲,因為角色有3個小朋友。」