李佳芯口快快:愛要做出嚟

東方日報
·1 分鐘文章
李佳芯寫「善」字拍賣,但無意寫字送給陳炳銓。
李佳芯寫「善」字拍賣,但無意寫字送給陳炳銓。

李佳芯(Ali)昨日偕朱潔儀及《全民造星III》冠軍「折骨Ben」趙祥誠出席慈善畫展,Ali寫了個「善」字拍賣,問會否與另一半一起寫書法?她笑說:「都想,但咁浪漫嘅事點會發生喺我身上,向呢個目標進發,鴛鴦寫字。」提到傳分手的陳炳銓,問可會寫個字給對方?她即避談:「依家呢個時候點解仲送畀佢?(朋友都可以送?)既然我寫嘅字有價值,如果有朋友生日或喜慶,都可以考慮送嘅。」那可會寫「朋」、「友」或「愛」字送給他?Ali說:「愛字唔會成日講出口,要做出嚟。」全場即時爆笑,她即補鑊指是要行動。

另外,朱潔儀自爆上月曾參觀畫展:「我已經揀最少人嗰日去,事後收到通知同場有人確診,嗰晚驚到瞓唔到,第二日即刻做檢測。我呢8日都見過朋友,好彩冇事,真係防不勝防!」她指疫情下不少畫展取消或改為網上舉行,連其工人姐姐亦回鄉,故要自行清潔家居,瘦了不少。

朱潔儀盛裝出席慈善畫展。
朱潔儀盛裝出席慈善畫展。