李佳芯寄情工作 元氣大傷

東方日報
·2 分鐘文章
李佳芯伸脷賣萌,心情不俗。
李佳芯伸脷賣萌,心情不俗。

最近傳情變的李佳芯昨日出席活動時只談狗狗唔講男友,剛拍完劇又主持新節目,她坦言忙到元氣大傷。同場的何雁詩計劃2年後才做媽咪,現專注照顧寵物預習湊B。

由李佳芯及河國榮擔任主持的myTV SUPER新節目《狗狗診療所》,昨日在清水灣拍外景,嘉賓何雁詩和鄭俊弘帶埋心愛狗狗前來練習游水。李佳芯早前傳情變,被指搬離與男友陳炳銓的愛巢,但男方日前澄清2人一直有見面。昨日她未有談及感情事,但心情不俗,又扮狗狗賣萌,狀態甚佳。

睇中醫調理

剛完成4個月拍劇工作,接續便要主持這個新節目,她說:「呢個節目輕鬆好多,當拍完劇回吓氣,因為之前拍咗幾個月,元氣大傷,搞到皮膚敏感,所以要休息吓睇中醫調理身體。(新計劃?)有一連串。(出新書?)好多人問,可能會,但要儲吓料先。」又表示在拍檔河國榮身上學到不少寵物知識,可幫朋友解答疑難。

至於新婚的何雁詩暫未打算做媽咪,視毛孩如己出,她說:「佢叫恰恰,7歲喇!今次嚟想佢克服游水呢樣嘢,我哋之前喺屋企用吹氣水池,佢好緊張唔敢游,今日有教練好好多!」她透露與老公就生B問題達成共識:「仲有好多嘢想做,希望2年後先生,想生2個啦!依家未有小朋友,就當住佢哋(毛孩)係先啦!抱佢哋啲手勢都好似抱BB咁,掃吓個頭同肚仔當練習,等過幾年有小朋友就容易上手。(覺得自己手勢有幾分?)都60分㗎!當打好個底,不過湊BB就會特別上心!」

何雁詩與鄭俊弘打算2年後才生B,現時湊住狗仔先。
何雁詩與鄭俊弘打算2年後才生B,現時湊住狗仔先。



【相關搜尋】陳炳銓回應分手傳聞