李佳芯捱鬧冇反應 難為了盈盈

東方日報
·2 分鐘文章
昔日的小綿羊,馮盈盈搖身一變為欺凌情敵的惡女。
昔日的小綿羊,馮盈盈搖身一變為欺凌情敵的惡女。

李佳芯與馮盈盈日前為無綫新劇《智能愛(AI)人》開工,拍攝一場情敵和解戲份,較量演技,前者指幾年前2人曾合作《白色強人》,當年屬新人的盈盈如同小綿羊般,如今再次碰頭,終看到她的「兇悍」一面。

之所以見識到盈盈由綿羊變惡女的一面,全因佳芯與她在劇中是情敵,每次同場戲份幾乎都是嗌交,不過佳芯亦有開出「難題」考驗盈盈,她說:「因為我係機械人,頭十幾集唔可以有太多表情表現出嚟,所以都委屈晒啲對手,好多對立場口畀唔到嘢佢,要佢自己去捉摸,係挑戰緊佢演技,反而我好舒服。」

眼神微變化 有層次

盈盈「對牛彈琴」,亦坦承演繹時感困難:「我點可以對住佢不停咁鬧呢,自己都唔捨得,見到佢係好無辜嘅機械人樣,鬧又唔會還口,打又唔會還手,其實佢好辛苦,成日唔可以眨眼。不過見佢對眼有郁動,有微細變化,好有層次,感受到佢對角色嘅用心。」佳芯亦笑指戴上隱形眼鏡難對焦,每次拍完一場戲,看任何東西均很朦朧,亦因眼乾而令隱形眼鏡跌出,非常論盡。

另外,盈盈主持的《#後生仔傾吓偈》,其中一集以「貪慕虛榮」為主題,其他「後生仔」覺得她好易跟「貪慕虛榮」扯上關係,主持陸浩明(6號)就話以觀眾角度出發,不時見盈盈與富二代扯上關係的新聞,她就即時認真反擊:「當你好努力喺個社會打拚,然後上到某個Level(階層),自然會識到嗰個Level嘅人,咁呢就……係順其自然,好合理嘅事!只要你唔係話完全唔念舊,例如坦白講,我成日同中學同學出去食飯,有冇人理過呀?」

結識上流人 冇唔妥

她還反問為何一些人自覺未認識到上流社會的人,卻不努力一點上去某個Level,而是去抨擊別人貪慕虛榮?6號就笑問:「呢排仲有冇去船P呀?」盈盈就笑言:「呢排天氣凍,冇喇!」以3分鐘自辯,看來她對「貪慕虛榮」這4個字非常介懷!

李佳芯鬧極冇反應,馮盈盈慳番啖氣啦!
李佳芯鬧極冇反應,馮盈盈慳番啖氣啦!