李佳芯擔心拍劇捱壞 推得就推

李佳芯自己知自己事,都係身子要緊!
李佳芯自己知自己事,都係身子要緊!

視后李佳芯早前被踢爆本被安排於下月開拍的靈異劇《靈戲逼人》中扮演女鬼,與張振朗譜人鬼戀,不過忙於錄影清談節目的她,最終以健康理由辭演。日前她接受無綫娛樂台訪問,親自解釋辭演原因:「始終之前都有前科啦,即係身體,每一次開完一套劇,都畀自己好大壓力,係真嘅!所以無論情緒、狀態、身體都好容易有毛病。」

不過她都坦言好想演女鬼:「好得意,初初我聽到做女鬼,都覺得『咦?真係未做過女鬼!』之前做完機械人,如果有啲另類啲嘅角色都會想試。」可惜她無法接拍,因為身體已經響起警鐘,公司亦理解其苦衷:「隨時影響身體、拍攝、進度,好難要人哋吓吓就到你,所以都同公司傾過,驚我負擔唔到。我一直有睇中醫休養身體,中醫建議我盡量唔好捱夜。我都有做針灸,但都係無法彌補直踩拍劇對身體帶嚟嘅傷害。有啲劇組就真係要24小時直踩2、3個月,咁吃力嘅時候,我擔心我身體負擔唔到,我想平衡啲囉!」

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能