李元元Lucy意外撞阿妹頭竟先發制人爆喊 網民：家姐演技好精湛

李璨琛同太太梁志瑩（Sophia）結婚11年，2018年誕下大女李元元（Lucy），並喺去年誕下細女李斐斐（Sucy），兩個囡囡都面圓圓兼眼仔睩睩，生得非常得意可愛。媽媽不時喺社交網站分享囡囡嘅有趣生活影片及照片，最近就上載咗一段Lucy及Sucy玩耍嘅片段，不過就引起網民不滿家姐嘅行為。

最近Sophia喺社交網站寫上：「然妹妹成日都好周星星同學, 但係佢都好愛家姐。原來佢突然間逃走係去攞紙巾比喊緊嘅家姐，仲係咁連番豬嘴錫返家姐 #相親相愛 #其實好似阿妹仲傷啲 #不過阿妹成個生番咁又唔怕痛又唔怕跌」，並上載Lucy及Sucy玩耍嘅片段，期間家姐興奮過度，唔小心將後腦撞向妹妹額頭，妹妹正想喊嘅時候，家姐竟然搶先一步放聲大喊，搞到妹妹都行前睇下家姐。之後，爆喊中嘅家姐被媽媽召喚，而妹妹亦行去家姐面前，不停做出嘟嘴錫錫動作，不停安慰家姐。

影片上載後，爸爸李璨琛留言話「家姐喊得咁假嘅，阿妹好似傷過佢喎」，而媽媽就回覆：「你唔好忘記你個女生倒刺都痛到喊」。除此之外，唔少網民覺得Lucy扮嘢及媽媽偏心，而妹妹就非常有愛及勇敢，留意話「其實係咪Lucy驚俾媽咪鬧先喊？覺得自己做錯咗好慚？不過真係讚吓妹妹、咁細個就識危機處理，忍住唔好喊仲安慰返家姐！」、「媽媽真係要開始學咩叫公平啦！明明係Lucy唔小心撞到妹妹，反而去理個大嘅，雖然話係Lucy怕痛，但佢大過啦，應該為自己做過嘅嘢負責，要教佢整到妹妹就要道歉，下次小心啲」、「家姐演技好精湛」、「其實應該炳炳痛過家姐，被家姐截糊喊得大聲過炳炳 炳炳好受委屈」、「擺明係lulu驚俾人鬧所以喊定先 心痛susu」、「根本就係扮 一滴眼淚都冇 撞完一見到個妹喊就望一眼阿媽又望一眼個妹之後即刻喊」、「個阿媽咁偏心嘅」、「好明顯家姐係扮喊」、「妹妹本來想喊，但見家姐喊得大聲，即刻去關心吓，真乖」、「好識做戲！痛的應該是妹妹！」、「家姐自己做錯事，仲要搶先扮喊，真係好討厭」、「炳炳真係好sweet sweet」、「妹妹個頭紅晒都冇喊仲安慰人 大個肯定係叻女」及「妹妹好勇敢」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！