李天縱再選美 誓闖出名堂

李天縱努力演戲,獲不少監製認同。
李天縱努力演戲,獲不少監製認同。

無綫藝人李天縱參加《2011年度香港小姐競選》後加入無綫,好勝的她24歲時於北京電影學院及北京舞蹈學院畢業後便返港參選,雖然她於香港出世,但廣東話不好處處碰壁,更以「黑暗的一年」來形容當時情況。她受訪時表示:「參選嗰陣人哋講乜我都唔明,就連自我介紹都係背譯音,每次訓練我都要偷偷錄音,夜晚傳畀朋友,等對方講解畀我知聽日要帶啲乜、注意啲乜,嗰陣真係每日以淚洗臉,日日想退選,好委屈。」

經過11年時間,李天縱的廣東話大有進步,更報名參加《香港小姐再競選》,並積極減磅至103磅,她說:「我每朝7點練瑜伽、夜晚就跑步。(再次着泳衣出鏡,會好大壓力?)依家OK嘅,過咗關,三圍同當年選港姐時一樣。」熱愛演戲的她獲不少監製認同,她說:「我因為超級鍾意演戲,先至可以堅持到依家。當年參選港姐想打破現狀,不過一路以嚟星運好低,所以依家唔再繼續做透明人,希望多啲人認識同認同我。」

李天縱每日做瑜伽keep fit。
李天縱每日做瑜伽keep fit。