李居明爆王浩信求復合 陳自瑤口窒:唔知點講好...

·2 分鐘文章
李居明爆王浩信求復合 陳自瑤口窒:唔知點講好...
李居明爆王浩信求復合 陳自瑤口窒:唔知點講好...

堪輿學家李居明今日(15日)在灣仔舉行其首個梵文書法展,請來藝人陳自瑤(YoYo)和賴慰玲做剪綵嘉賓,李大師送贈兩幅書法給她們,送YoYo的書法代表財富,送賴慰玲的書法代表添丁,寓意會生夠3個。

三人一同接受訪問,大師突然踢爆YoYo與王浩信「分手」,他說:「我問YoYo係咪復合?佢話唔係。」身旁的陳自瑤尷尬得臉紅,不停用手撞大師:「不嬲冇回應,私人嘢唔回應。」大師指YoYo生女好聰明,因為女兒黐媽咪,有女萬事足,大讚她女兒生得高大又靚女,可以參選港姐。記者問他會否催YoYo追生仔?大師再爆料:「同邊個追?」此時,YoYo又用手撞他,他說:「又撞我?佢唔想復合。」YoYo即忙着解畫,說自己是事業心重。

大師送咗兩幅字畫畀兩位靚女。
大師送咗兩幅字畫畀兩位靚女。
大師玩踢爆,陳自瑤(左)係咁撞大師隻手。
大師玩踢爆,陳自瑤(左)係咁撞大師隻手。
陳自瑤話私人嘢唔講!
陳自瑤話私人嘢唔講!

李居明笑容尷尬並扯開話題讚YoYo背脊靚,批她2022年後,有6年大運行,將會是她人生高峰,配音的獎項只屬小兒科,未來不得了!他說:「香港最勁係佢,好紅。(攞視后?)佢係偶像派,賴慰玲係實力派,偶像派要搬個老公出嚟搞吓緋聞,先至係偶像派,佢老公好多緋聞。」YoYo笑言自己是「實力偶像派」。賴慰玲表示有計劃追女,笑言李大師着她咬着葱,於凌晨5點至7點造人,就會生女。

追問到陳自瑤是否不想復合?她口窒窒說:「師傅成日講笑,佢風趣幽默,你當佢講笑。(你撞到佢手臂瘀晒?)都唔知點講好...佢成日將自己諗嘅嘢就講出嚟,未必係事實。(唔使復合?)之前都講咗好幾年,知大家好關心我私人問題、私人情況,希望可以關注我工作事業,私人嘢唔講咁多。」對於被批有6年大運行,她希望可承師傅貴言。至於攞視后,她笑言會努力,又指囡囡現時只得9歲,笑說:「選港姐冇咁快,靚女?OK啦!不嬲自己鍾意女,有女好開心。」

陳自瑤被批會行6年大運。
陳自瑤被批會行6年大運。
晒靚背!
晒靚背!
賴慰玲未有計劃追B。
賴慰玲未有計劃追B。
依家咩關係先?
依家咩關係先?
我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能