李幸倪獲皇室嘉許 食月餅慶祝

歌手李幸倪(Gin Lee)及江海迦(AGA)昨日出席護膚品牌活動,談到Gin獲家鄉馬來西亞蘇丹嘉許,她表示相當意外:「尤其我係華人,大家種族唔同,加上對方係皇室,冇諗過佢會注意到我。(諗住點慶祝? )冇呀,尋晚食咗少少榴槤月餅囉。(你同張學友喺港姐嘅演出收視好高。)學友嘅魅力啫。(覺得佢係你福星?)絕對係!」

而AGA透露新歌MV邀得周國賢任男主角,有擁吻及親熱場面:「有啲尷尬,尤其係第一個鏡頭就要拍接吻戲,呢個算係我MV嘅初吻。」