李施嬅冧讚未婚夫 唔心急造人

東方日報
·1 分鐘文章
提起未婚夫Anson,李施嬅即冧笑。
提起未婚夫Anson,李施嬅即冧笑。

李施嬅宣布婚訊後,昨日首次現身公開活動。她表示因疫情關係,未開始籌備婚禮:「註唔註冊、結唔結婚都唔係好着緊,因為我哋已經認定對方。」問到未婚夫Anson有何吸引之處?她冧爆說:「佢個人好簡單、細心同好錫我,好支持我追求夢想。佢鍾意勤力嘅人,唔鍾意懶人,所以未來我都要好勤力。(造人一樣勤力? )順其自然啦,我都鍾意小朋友,但唔會刻意。」並大爆未婚夫潛水時拿出戒指向她求婚。

提到日前被本報踢爆未婚夫身份,她笑言:「Anson去茶餐廳,所有人都恭喜佢,搞到佢面都紅晒,我話你仲紅過我。」講到Anson是星級健身教練,有否受健身群組影響?她說:「佢好乾淨,日日做檢測,我好信佢。」對於有網民指Anson是人生教練Brian Cha的胞弟,她則不作回應。

同場的游嘉欣清減不少,問到會否接泳衣騷?她笑言視乎酬勞而定。

游嘉欣笑言睇錢份上,可能會接泳衣騷。
游嘉欣笑言睇錢份上,可能會接泳衣騷。