李施嬅商業考慮睇淡王浩信?

李施嬅、陳展鵬出席開幕活動。
李施嬅、陳展鵬出席開幕活動。

李施嬅、陳展鵬、謝雪心等昨日出席食肆開張活動,剛完成《金宵大廈2》的李施嬅,透露下月將飛加拿大拍劇,預計於當地陪媽咪過年,她說:「嗰邊疫情好爆,每日千幾宗確診,都擔心,會買定晒消毒用品,劇組都會做好安全措施。」對於有指無綫為造就王浩信攞今年視帝,令陳展鵬主演及有份唱主題曲的新劇《唐人街》被迫讓路,李施嬅表示:「花邊新聞啫!(即係浩信冇得拎?)有機會,佢演技好,但商業角度就會捧其他人,浩信演技大家認同。」