李施嬅未婚夫Anson Cha曝光 「胡說八道會」個個嫁得好 姚子羚曾被傳搶人老公兼有床照流出

李施嬅未婚夫Anson Cha曝光  「胡說八道會」個個嫁得好 姚子羚曾被傳搶人老公兼有床照流出

李施嬅上個月宣布婚訊,但係由於呢段關係十分低調,Mr.Right身份直到今日有傳媒爆料先至曝光。施嬅未婚夫Anson Cha原來係星級健身教練,周潤發、楊千嬅同詹瑞文都係Anson嘅學生。話明「星級教練」,收費當然係星級價,據知Anson身家豐厚兼擁有物業,加埋fit爆身型,施嬅確係識揀!

施嬅同一班姊妹組成嘅「胡說八道會」,已經有2位靚太級成員,2位都嫁得好。其餘姊妹都有唔同感情生活狀況︰

李施嬅未婚夫Anson Cha曝光  「胡說八道會」個個嫁得好 姚子羚曾被傳搶人老公兼有床照流出
李施嬅未婚夫Anson Cha曝光 「胡說八道會」個個嫁得好 姚子羚曾被傳搶人老公兼有床照流出

胡蓓蔚

李施嬅未婚夫Anson Cha曝光  「胡說八道會」個個嫁得好 姚子羚曾被傳搶人老公兼有床照流出
李施嬅未婚夫Anson Cha曝光 「胡說八道會」個個嫁得好 姚子羚曾被傳搶人老公兼有床照流出

「胡說八道會」第一位榮升人妻嘅成員,同音樂人單立文(豹哥)2008年結婚,至今兩人仍然恩愛。胡蓓蔚入TVB前曾經簽約新藝寶做歌手,仲被包裝成王菲接班人,豹哥係佢當時嘅監製,因此而擦出愛火。豹哥喺訪問提到自己以前好多棱角,同人難相處,係豹嫂出現先令佢有所改變。

胡杏兒

李施嬅未婚夫Anson Cha曝光  「胡說八道會」個個嫁得好 姚子羚曾被傳搶人老公兼有床照流出
李施嬅未婚夫Anson Cha曝光 「胡說八道會」個個嫁得好 姚子羚曾被傳搶人老公兼有床照流出

杏兒老公李乘德(Philip)曾經同李施嬅拍過拖,分手後一段時間,Philip睇到施嬅好姊妹胡杏兒微博post嘅泳裝照當堂觸電,仲托朋友搵辦法識杏兒。之後佢地喺朋友生日飯局碰面,話咁快撻著,2015年結婚,而家杏兒仲陀緊第3胎啦。對於呢段「前後腳」關係,杏兒同施嬅都好大方,杏兒結婚仲預埋施嬅做姊妹,連個仔都契埋俾施嬅,好有愛!而Philip亦都經常大晒同囝囝嘅生活照,一副好爸爸模樣。

胡定欣

李施嬅未婚夫Anson Cha曝光  「胡說八道會」個個嫁得好 姚子羚曾被傳搶人老公兼有床照流出
李施嬅未婚夫Anson Cha曝光 「胡說八道會」個個嫁得好 姚子羚曾被傳搶人老公兼有床照流出

連奪2屆視后嘅定欣,自從4年幾前承認同音樂人陳明道分手之後,感情方面冇咩聲氣,最多都係同陳展鵬傳過下緋聞,但係「煎pan」都結埋婚做埋老豆咯。定欣過去同吳浩康、馬國明以及圈外人沈栢淳拍過拖,最後都係分手收場,姊妹們都為定欣介紹筍盤「助攻」一番。

黃智雯

李施嬅未婚夫Anson Cha曝光  「胡說八道會」個個嫁得好 姚子羚曾被傳搶人老公兼有床照流出
李施嬅未婚夫Anson Cha曝光 「胡說八道會」個個嫁得好 姚子羚曾被傳搶人老公兼有床照流出

圈中少數感情生活簡單低調嘅女藝人,同珠寶集團高層男友Anthony拍拖多年,但係鮮有提及感情生活,智雯解釋因為男友係圈外人,想保護對方,盡可能唔提感情事以免影響男友工作。低調還低調,有傳智雯已經住喺男友東半山豪宅,而且視對方係終身伴侶,好事近喎。

姚子羚

李施嬅未婚夫Anson Cha曝光  「胡說八道會」個個嫁得好 姚子羚曾被傳搶人老公兼有床照流出
李施嬅未婚夫Anson Cha曝光 「胡說八道會」個個嫁得好 姚子羚曾被傳搶人老公兼有床照流出

「表哥」最為人記得嘅戀情有2單︰同坐擁過百部的士兼過億物業嘅「的士邦」鄭子邦拍拖多年,一度同居,外界以為走唔甩,連同一班姊妹拍《胡說八道真情假期》都搵胡杏兒扮「的士邦」向子羚求婚。但係後來有傳「的士邦」未想結婚,於是提出分手。另一單就更爆,前年5月子羚被爆搶人老公,同認識多年嘅夜場董事蔡宛珊(Sarika)老公Raymond撻著,更傳有床照流出。姚子羚之後見記者,承認同Raymond拍過拖但分咗手,不過當時男方已經同太太分開,Sarika亦知道佢地一齊。子羚反而好驚訝有床照,表示完全唔知情。

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!