李日朗扮相撲手 穿襠布鴛鴦色

東方日報
·1 分鐘文章
李日朗拍的是一部功夫喜劇,相撲造型只得幾場戲。
李日朗拍的是一部功夫喜劇,相撲造型只得幾場戲。

藝人李日朗(Don)在社交網上載相撲手造型相,自封「貴花朗」,留言想學樣技能傍身,他昨日笑說:「講笑,香港邊有相撲學啫!」原來是他之前執導的電影造型而已,不過穿上「兜襠布」的位置卻露出兩截色,他笑說:「係呀,好尷尬,嗰時又唔識曬燈嘅舖頭,自己去泳池曬,冇理由除褲曬。」當日服裝師上網睇片學習,然後好正式地幫他紮兜襠布,他笑說:「冇得打底,T到咁着乜都會穿崩。」