李易峰自辯長文突然被刪 電視劇急停播疑遭封殺

李易峰自辯長文突然被刪 電視劇急停播疑遭封殺
李易峰自辯長文突然被刪 電視劇急停播疑遭封殺

內地男神李易峰近日捲入涉嫖風波,原定尋晚(10日)中秋夜喺央視中秋晚會嘅表演,都喺開播前3小時遭緊急除名,臨陣被飛,連最高人民檢察院等5個官方帳號亦出手,刪清「形象大使」李易峰相關圖文,令佢「出事」嫌疑飆升!被指係「李雲迪2.0」嘅佢,尋晚連同工作室為自己辯護,包括晒出控告網友造謠、否認被憑空消失15日、精神上受到傷害等,明顯係為涉嫖傳言澄清。

李易峰尋晚心急發聲明,大鬧自己被造謠。
李易峰尋晚心急發聲明,大鬧自己被造謠。
李易峰正被官方全面封殺。
李易峰正被官方全面封殺。

點知兩個帳號發文冇幾耐,網友就發現李易峰兩次發文圖都冇咗,轉發其自辯長文Cap圖都Post唔到,而佢代言嘅洋酒及珠寶公司已刪除同佢相關嘅內容,其他品牌亦開始刪除相關動態。網友同時發現,兩個電視台半夜劇場同時播放由佢主演嘅劇集《隱秘而偉大》就喺今天(11日)凌晨同時停播,加上佢秋晚節目被刪,此等經歷同去年李雲迪涉黃被捕一事同出一轍,李易峰明顯正被官方全面封殺,不過發生咩事就不得而知。

佢代言嘅洋酒公司已刪除同佢相關嘅內容。
佢代言嘅洋酒公司已刪除同佢相關嘅內容。
李易峰嘅發文已經被Del,就連網友轉發Cap圖都被禁。
李易峰嘅發文已經被Del,就連網友轉發Cap圖都被禁。
真係咩都搵唔到。
真係咩都搵唔到。

另外,有網友放出一張犯罪紀錄查詢圖,上面寫住「李XX嫖娼」及被監禁日期係2022年8月3日到8月13日,但口口聲聲指自己一直有現身嘅李易峰,到依家都仍未有公開實際工作行程,以證明自己清白,令網友覺得事件更加有可疑。而其實早喺今年5月李易峰就曾爆出涉黃傳言,當時亦係喺同一時間,佢將出席嘅一個活動突然被迫取消,時間線符合網友爆料,網友擔心佢好有可能成為下一個劣跡藝人,被踢出娛樂圈。

網友發現5月傳聞出嚟時,佢又真係有活動無端取消。
網友發現5月傳聞出嚟時,佢又真係有活動無端取消。
到底佢上個月呢個時間做緊啲咩?
到底佢上個月呢個時間做緊啲咩?