李靄璣沙灘大解放

歌手林奕匡太太李靄璣自從簽約邵氏後工作不斷，近日獲意大利內衣品牌邀請任模特兒，分別穿上性感內衣及運動裝拍宣傳照，其中她在藍天碧海的沙灘上，着喱士內衣晒34C豐滿身材，連老公都話正！

昨日她受訪時以「快、靚、正」形容拍攝過程：「去咗個好隱蔽嘅泳灘，時間又好早，所以影嗰陣一個人都冇，而女攝影師同我好熟，一啲都冇尷尬，不過因為好熱好曬，為免溶妝，影20分鐘就搞掂。」提到身材玲瓏浮凸，她坦言靠做運動及飲木瓜鮮奶之功。