李靖筠《勁爆》開齋 吳浩康被紅館「彈鐘」8次

·1 分鐘文章
李靖筠(右起)、許靖韻與吳浩康有獎落袋,眉開眼笑!
李靖筠(右起)、許靖韻與吳浩康有獎落袋,眉開眼笑!

英皇歌手許靖韻(Angela)、李靖筠(Gladys)與吳浩康(Deep)前晚在《勁爆》得獎,可喜可賀!首度參與《勁爆》便有斬獲的Gladys,感覺意外又驚喜:「冇諗過會有獎拎,好多謝音樂班底!」Angela最開心與林家謙齊齊攞唱作人獎,希望將來再合作,又主動提起鍾雨璇暈低一事,猶有餘悸說:「佢企喺我後面,突然跌低,個頭落地砰一聲,真係嚇親!」有份抬雨璇落台的Deep,坦言當時腦海一片空白,又擔心對方走光,幸好現場有曾任職註冊手術室護士的艾妮幫忙做指揮。

此外,Deep自爆由2018年開始,不停入紙紅館申請開騷,但不停被「彈鐘」:「入咗不下8次,好彩入紙唔使用好多錢,多謝公司支持。」

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能