李麗珊公器私用 捉醫生每事問

東方日報
·1 分鐘文章
方健儀(左起)、李雨陽與李麗珊主持醫學節目。
方健儀(左起)、李雨陽與李麗珊主持醫學節目。

香港開電視主持李麗珊(Lisa)、前新聞主播方健儀(Akina)及藝人李雨陽,一同主持健康節目《Fit開有條路》,Lisa表示很開心與主持經驗豐富的Akina合作︰「喺佢身上學到好多嘢,就好似佢啲咬字、做主持嘅技巧,邊做邊偷師,希望可以增加主持功力。」

每次拍攝她會跟不同醫生傾偈,獲益良多,笑言有「公器私用」的感覺︰「同以前拍飲食節目好唔同,依家係正經咗,拍呢個節目會長知識,加上自己身份變咗,做咗媽媽,對健康資訊特別有興趣,尤其講到關於小朋友啲病,次次都會豎起隻耳仔,拍完又會捉住醫生問多幾句。例如有次係講濕疹,BB仔都會有,我就問醫生搽邊隻Cream會好啲。有兩個小朋友嘅雨陽都一樣,同我鬥捉住醫生問,哈哈﹗」