李龍基澄清個唱海報「女繼續追」標語未經佢同意 解釋未婚妻入獄當晚為葉子楣賀壽原因

李龍基同基嫂Chris打得火熱,但因Chris 入獄而要分隔一段時間
李龍基同基嫂Chris打得火熱,但因Chris 入獄而要分隔一段時間

上星期,李龍基未婚妻王青霞(Chris)承認違反逗留條件、管有虛假文書等罪名,被判入獄25個月。73歲嘅基哥為愛人身陷囹圄痛哭,仲揚言「一定等佢」。不過轉個頭,李龍基7月澳門個唱海報就出現標語「風繼續吹 女繼續追」,而基哥更被發現喺Chris被判刑當晚出席「波霸」葉子楣生日飯局。到底基哥係「女繼續追」定「一定等佢」?唔少網民跟唔到。

李龍基7月澳門個唱海報出現標語「風繼續吹 女繼續追」
李龍基7月澳門個唱海報出現標語「風繼續吹 女繼續追」

李龍基今日向網媒作回應,首先指自己同澳門個唱主辦單位並非直接對口,而佢見到個唱海報標語「風繼續吹 女繼續追」後已立即聯絡中介人,但對方話時間太短急需出街,結果生米煮成熟飯。基哥強調呢句標語係未問過佢就出街,而且已經冇得改。不過基哥樂觀地諗「女繼續追」嘅女係指「老婆」Chris,而家要用心追佢返嚟。

李龍基(《逆天奇案2》劇照)
李龍基(《逆天奇案2》劇照)

咁點解Chris入獄當晚就去為葉子楣賀壽?李龍基解釋係有個女性好友驚佢心情低落,於是好落力咁打好多次電話約佢出去食飯,基哥勉為其難現身,去到先知原來係為葉子楣慶祝。基哥強調唔係葉子楣約佢,而且雙方本身唔太熟,本來連合照都唔想影,但一時心軟而且驚唔尊重,結果就成為網民話柄。

資深傳媒人汪曼玲上載李龍基出席葉子楣生日飯局照片,時間正好係Chris入獄當晚
資深傳媒人汪曼玲上載李龍基出席葉子楣生日飯局照片,時間正好係Chris入獄當晚
尋日汪曼玲又上載飯局照,基哥都有現身,同場仲有胡楓及羅蘭
尋日汪曼玲又上載飯局照,基哥都有現身,同場仲有胡楓及羅蘭

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!