東京夜店職員戴全透明面罩 人客要進入膠柱內?
日本疫情持續反覆,特別係日本早前又出現單日過百宗確診,令人擔心;雖然好多商舖都已經照做生意,但就十分注意衛生清潔。日前於東京六本木一間夜店,就推出全新措施,唔少網民大讚有創意。原來進入夜店後,唔單止唔同卡座都有一塊大膠片阻隔之外,連每位人客嘅座位都有一支通窿嘅圓柱膠片,客人坐入去之後,上半身基本上完全被隔開;而店入面所有陪坐公關小姐,都戴上全透明面罩,一方面能夠防止飛沫傳播,二方面又唔會遮擋面容,一舉兩得。根據店老闆所講,新措施推出之後,生意比之前增長8成,人客信心大增,比起其他夜店呢度更衛生。不過都有網民笑言人客進入膠柱之後變得非常滑稽,男人味大減咁話,大家又點睇呢?
相關文章: