東京奧運│周奕瑋對赴日主持身份不知情 謝東閔明星運動會打到忘我

赴日採訪主持包括周奕瑋、方力申、吳業坤和陳約臨
赴日採訪主持包括周奕瑋、方力申、吳業坤和陳約臨

《2020東京奧運會》因為疫情延期至7月23日揭幕,無綫電視TVB宣佈屆時將設一連串宣傳節目,日前又再召開誓師大會,預告將會分批派出已打疫苗嘅20至30位同事到當地直擊奧運盛況,最新釋出嘅宣傳片中亦公開赴日採訪嘅四位主持名單,包括方力申、吳業坤、周奕瑋及陳約臨。

周奕瑋同吳業坤精通日文,陳約臨精通兩文三語,而運動健將、亦係最多奧運採訪經驗嘅方力申,就曾經喺記者會表示曾向曾志偉及樂易玲自薦,仲話自己為咗參與呢次盛事,推咗一套內地網絡電影,損失達6位數字都值得。不過,周奕瑋接受媒體訪問就話個廣告係之前拍落嘅宣傳片,暫時都未收到確實通知,但就會將嗰段時間空咗出嚟做好準備先。

TVB之前亦有提及將會舉辦明星運動會為奧運造勢,率先打響頭炮嘅係拳擊賽,拳擊賽喺啱啱過去周日(6日)完成「館內賽」,參賽藝人拳拳到肉,期間仲有人被擊倒,成功晉級嘅藝人將會喺6月15日分組進行決賽,重量級男子組大熱為羅孝勇、潘梓鋒,而謝東閔、吳業坤及容天佑就係中量級男子組大熱。

有份參與輕量級賽事嘅鄭俊弘,表示自己要運動配合蛋白質飲食減磅,而大熱謝東閔就直言自己已經打到忘我階段,唔記得自己係藝人,以為自己係拳手,雖然要戒食又要練打人同被人打,但都唔會放棄,因為一直都係同自己鬥。

謝東閔
謝東閔
鄭俊弘 & 羅孝勇
鄭俊弘 & 羅孝勇
大合照
大合照

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!