東京奧運丨原來謝影雪也是鏡粉？訓練播MIRROR《IGNITED》激勵士氣？

香港羽毛球混雙組合「鄧謝配」鄧俊文及謝影雪，今屆奧運創下紀錄打入4強，明早將會與日本爭奪銅牌。而人氣男團MIRROR風魔全港，男女年幼通殺，真係去到邊都見到或者有人討論緊MIRROR，甚至連謝影雪都係一名「鏡粉」？

謝影雪早前喺IG上載到達日本後操練嘅影片，片段中嘅佢喺一個面對靚靚河景嘅露台做深蹲訓練，而背景音樂就播放住MIRROR嘅《IGNITED》，寫上「有呢個景再加 @mirror.weare 應該可以做多幾組 #講笑做多下都想死 #個景真係無得輸」。唔知聽住「焫焫焫焫焫焫著」，係唔係真係可以激勵到士氣呢？

現年29歲嘅謝影雪，因媽媽同家姐而接觸羽毛球。佢為咗可以專心練波，選擇放棄到名校協恩中學讀書，入讀離屋企只有5分鐘路程嘅學校。謝影雪喺2006年放棄學業，加入香港羽毛球隊。2009年更與潘樂恩喺世青賽勇奪銅牌。2016年就遇上好拍檔鄧俊文，並組成混雙打比賽，今年仲喺謝影雪第三次參加奧運。另外，謝影雪仲係一名「狗奴」，熱愛狗狗嘅佢仲經常喺IG分享同佢哋嘅生活照，佢仲諗過開一間狗Cafe添呀！

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！