東京奧運|劍擊代表蔡俊彥16強止步 賽後隔空多謝大學室友Edan

呂爵安(Edan)& 蔡俊彥
呂爵安(Edan)& 蔡俊彥

港隊劍擊代表24歲嘅「劍神」張家朗喺噚晚舉行嘅東京奧運男子花劍決賽,成功擊敗意大利劍手加羅索奪得金牌,係港隊歷來第二面奧運金牌,成為香港人嘅驕傲。另一劍擊代表23歲嘅蔡俊彥喺比賽中被日本劍手敷根崇裕淘汰,無緣晉身8強。賽後佢接受傳媒訪問時,除咗話希望可以再戰下屆巴黎奧運之外,佢仲話:「我之前有個大學好好嘅朋友,喺鏡頭前面同我講加油,我頭先成個腦都係佢嘅歌,咁我祝返佢嚟緊嘅票房大賣啦!」

唔少心水清嘅朋友都知蔡俊彥隔空回應嘅就係MIRROR成員呂爵安(Edan),事緣Edan早前喺ViuTV節目《奧運有得揀》講到蔡俊彥,並為佢打氣話:「玩劍擊嘅其實係我大學宿舍嘅roommate,平時嗌佢蔡仔,佢都幾cute嘅個人,同埋不嬲都知佢打劍好叻嘅,佢全世界排名第八名,希望佢可以變到第一名啦!加油!」

雖然蔡俊彥失落個人賽,不過喺嚟緊嘅8月1日將會出戰團體賽,相信唔少香港人都會為你加油,希望你可以爭得到好嘅成績!

《奧運有得揀》截圖
《奧運有得揀》截圖
新聞截圖
新聞截圖
Edan@MIRROR
Edan@MIRROR
蔡俊彥
蔡俊彥

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!