東京水族館疫情下關門太耐 鰻魚變得超怕人

Yahoo 旅遊

疫情之下,各地旅遊景點都要關門以免人群聚集。喺日本,疫情仍然未完全受控,東京等地仍然維持緊急狀態令,如此情況下,好多動物園、水族館為咗維持動物生活不受影響,都要額外精力去照顧;就好似東京墨田水族館,因為水族館太耐無開門,令館入面一種奇特生物「星康吉鰻」,因為太耐無見過人類,居然變得非常怕醜!據講水族館嘅工作人員日前去視察鰻魚時,所有鰻魚幾乎即時潛入泥土之中,唔肯出去。星康吉鰻習性一向都係如此怕人,一有風吹草動就會躲藏,不過水族館飼養嘅星康吉鰻由於經常見人,所以已經唔會見到人就潛入泥中,就由於太耐無客人,鰻魚竟然忘記人類面容。最後工作人員諗出奇招,就係用平板電腦貼於水族箱外,並不停顯示人類面容,希望鰻魚重新熟習人類,到時水族館一開門,就可以以最佳狀態見人啦!

星康吉鰻非常害羞,習慣唔畀人見到。
星康吉鰻非常害羞,習慣唔畀人見到。
水族館用平板電腦貼於水族箱外,並不停顯示人類面容。
水族館用平板電腦貼於水族箱外,並不停顯示人類面容。
工作人員日前去視察鰻魚時,所有鰻魚幾乎即時潛入泥土之中。
工作人員日前去視察鰻魚時,所有鰻魚幾乎即時潛入泥土之中。

相關文章:

奈良鹿減少食仙貝-腸胃變好便便回復健康黑豆狀

阿中部長訪台北101觀景台-登上最高skyline460天際線

上海270呎原木系蝸居-以loft風設計建構無限可能


【立即讚好】全新 Yahoo 旅遊 Facebook 專頁

Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!

你可能還想看