東張西望│富亨邨曱甴屋惹關注 主持黃穎君獲讚勇敢又專業

黃穎君

無綫資訊節目《東張西望》採訪唔少社會時事及民生等議題,繼早前聾啞人士美華單位被保安阿娟佔據事件後,最近一連三日報道大埔富亨邨曱甴屋同樣引起大家關注。單位堆滿雜物,衛生環境極度欠佳,鄰居叫苦連天。節目組及義務滅蟲公司穿上保護衣進入有關單位,滅蟲公司為單位噴勻消毒藥水後,地上佈滿曱甴屍骸,更有大量曱甴即時逃亡,有啲仲走咗身穿保護衣嘅工作人員身上。節目出街後,唔少網民都話好恐怖同食唔落飯,亦有網民大讚主持黃穎君(Burmie)好勇敢及專業。

節目出街後,唔少網民都去黃穎君社交網站留言大讚佢,例如:「好勇敢。我真係著左保護衣都未必敢入去,就算入去都肯定四圍fing隻手驚d蟑螂撲埋黎」、「佩服」、「好勁呀你~」、「我有睇,你好叻 非常專業,我見到都勁驚」、「你超強呀 欣賞」及「Burmie你真係好勇敢」等等。

喺接受傳媒訪問時,黃穎君就話原本自己都好驚,第一次都唔敢入屋,不過節目組嘅幕後人員好勇敢,亦好想了解屋主背後嘅父親,同時亦唔可以浪費大家嘅心血。另外,佢仲話同事對佢好好,已經清空咗少少空間先安排佢入屋進行拍攝,不過見到好多曱甴屍骸都會好驚,因為間屋入面垃圾密密麻麻,每掀開少少物件都會有曱甴走出嚟。

現年33歲嘅黃穎君,2010年參加《工展小姐選舉》並獲得冠軍,之後參選2012年香港小姐,當時被指樣貌似謝安琪而備受關注。入行後除咗擔任主持及司儀工作,2019年開始加入《東張西望》擔任外景主持。除此之外,佢亦有參與劇集拍攝,不過都係閒角居多,最令人留下深刻印象嘅一定係《降魔的》嘅龍貓嫂。至於感情方面,佢喺2015年與《#後生仔傾吓偈》監製丘一峯結婚,及育有一子,家庭幸福美滿。另外,佢亦非常好學不斷進修,喺中文大學修讀社會學文學碩士課程,及香港公開大學創意電影編劇課程。

《東張西望》截圖
《東張西望》截圖
《東張西望》截圖
《東張西望》截圖
《東張西望》截圖
《東張西望》截圖
《東張西望》截圖
《東張西望》截圖
《東張西望》截圖
《東張西望》截圖
《東張西望》截圖
《東張西望》截圖
《東張西望》截圖
《東張西望》截圖
《東張西望》截圖
《東張西望》截圖
黃穎君
黃穎君
黃穎君
黃穎君
黃穎君
黃穎君
黃穎君
黃穎君

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!