《東張西望》利穎怡被彈衣着唔恰當 重溫「東張女神」性感採訪戰衣

無綫資訊節目《東張西望》有唔少靚女主持助陣，佢哋經常深入虎穴進行採訪工作，不過好多時網民都會放錯重點，將重點轉移喺佢哋嘅衣著同身材上。近日利穎怡（Joan）採訪為女兒借財務公司錢而欠下巨債嘅陳先生，當時身穿灰色一字膊低胸貼身上衣配上紫色長褲，將佢出眾身材表露無遺。節目出街後，唔少網民都認為佢著得太少布，同埋衣著唔恰當。事後，利穎怡接受傳媒查詢，佢承認衣著有失誤嘅地方，下次會注意。其實過往一班「東張女神」都有唔少性感採訪戰衣，今日就搵咗一部分同大家重溫一下啦！

《反黑路人甲》主角們接受訪問，主持人梁麗翹身穿黑色超低胸上衣，真係搶鏡過坐喺隔離嘅馮盈盈呀！

阮嘉敏前往山澗做訪問，當時身穿粉紅色露腰Sport bra，配上緊身運動褲。唔少人都批評佢衣著太暴露及呢個行山造型唔太合適，仲質疑節目係唔係變咗「色情節目」！？

利穎怡去長洲採訪太平清醮嘅預備活動，期間佢身穿淺灰色小背心，粉紅色bra若隱若現，之後就開始獲得網民關注。

擁有驕人身材嘅利穎怡，不吝嗇身材穿上白色一字肩上衣，提醒大家小心選擇口罩及消毒液。

一向敢言嘅林泳淘，2019年突然被提前解約，與無綫結束7年賓主關係。雖然係咁，林泳淘喺《東張西望》周不時都身穿小背心做訪問，次次都吸引網民們熱烈討論。

阮嘉敏上年前往荔枝角採訪天台簷蓬雜物問題，期間身穿黃色橫間貼身入膊背心訪問阿伯，節目出街後隨即引起網民關注。