東張西望|王嘉慧緊身小背心訪問成焦點 家底雄厚曾公開曝光豪宅

東張西望|王嘉慧緊身小背心訪問成焦點 家底雄厚曾公開曝光豪宅

繼林泳淘、黃穎君、阮嘉敏等「東張女神」離開TVB《東張西望》後,王嘉慧(Cathy)、梁菁琳等新血就成為新一代「東張女神」。梁菁琳被讚採訪技巧出色,亦多次因穿著緊身衫而令網民將焦點放於其身材與穿搭上;而王嘉慧近日訪問一名老婦疑被騙70多萬退休金案件時,亦以貼身小背心襯熱褲出鏡致上圍激凸,訪問片段截圖隨即於網上瘋傳,網民更於討論區出PO討論。

王嘉慧訪問苦主被騙過程期間,對方一度落淚;王嘉慧安慰苦主及一齊睇騙徒訊息時,鏡頭竟然唔係Zoom去手機到,反而咁啱影正王嘉慧胸部大特寫,睇到一班觀眾嘩嘩聲,仲留言指Cam man係咪幫大家謀福利:「幾好呀」、「帶咗眼鏡仲正」、「王嘉慧LOOK,好強X 3」、「支cam set得勁怪」等等,又有網民指咁嘅衣著其實平常過平常。

王嘉慧有美貌有學歷,中學時期就讀名校聖保羅男女中學,到英國升學後以英國公開試GCE AL 5*成績入讀倫敦大學學院(UCL College)心理學,並獲得一級榮譽及Dean‘s honour list,返港後再讀咗兩年中大法律博士(Juris Doctor)碩士課程。2021年,王嘉慧參選香港小姐競選殺入最後五強,入行後獲TVB安排唔少工作機會,例如主持靈異節目《通靈之王》、參與處境劇《愛回家之開心速遞》拍攝等,近日亦與森美主持《LAW霸女神》展示專業法律知識,又透露自己正拍攝TVB新劇《新聞女王》,劇內將飾演一名記者。

王嘉慧家底亦非常雄厚,爸爸係著名傢俱公司創辦人,有「內地傢俬大王」之稱,公司曾喺美國上巿,擁有多達300幾間加盟店。去年,王嘉慧於鄭裕玲(Do姐)、鄭衍峰(Leonard)及周奕瑋(Jarvis)主持嘅節目《樓價有得估》將西九龍755呎豪宅曝光,主人房由兩間房打通而成,書房闊落得可供王嘉慧彈豎琴和練字畫,令Do姐都大叫羨慕。

《東張西望》
《東張西望》
《東張西望》
《東張西望》
《東張西望》
《東張西望》
《東張西望》
《東張西望》
《東張西望》
《東張西望》
《東張西望》
《東張西望》
《東張西望》
《東張西望》
王嘉慧
王嘉慧
王嘉慧
王嘉慧
王嘉慧
王嘉慧
王嘉慧
王嘉慧
王嘉慧
王嘉慧
王嘉慧
王嘉慧
王嘉慧
王嘉慧

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!