林二汶任《聲夢傳奇2》導師 傳《又要威 又要戴頭盔》主持由徐㴓喬頂上

林二汶任《聲夢傳奇2》導師 傳《又要威 又要戴頭盔》主持由徐㴓喬頂上
林二汶任《聲夢傳奇2》導師 傳《又要威 又要戴頭盔》主持由徐㴓喬頂上

TVB選秀節目《聲夢傳奇2》喺日前舉行記者會,除咗23位學員再度登場之外,大會亦有公佈6位星級導師,當中包括林二汶。消息公佈後,唔少網民都好大反應,批評佢「食兩家茶禮」。最新有消息指林二汶將被飛出主持長達6年嘅《晚吹-又要威又要戴頭盔》,並由Asha(徐㴓喬)頂上擔任主持。

林二汶係ViuTV常客,除咗為《全民造星III》擔任導師之外,佢亦有擔任唔少節目嘅主持,而主持得最耐嘅一定係與商台DJ余迪偉合作嘅《晚吹-又要威 又要戴頭盔》。去年花姐邀請佢冧莊為《全民造星IV》做導師,不過佢冇答應,並指自己籌備緊音樂教室。點知佢喺11月嘅時候就現身TVB《萬千星輝賀台慶》演唱,並喺今年擔任《聲夢傳奇2》導師,結果引起唔少網民不滿。

最新有消息指林二汶將被飛出《晚吹-又要威 又要戴頭盔》,今個星期四(2日)嗰集開始由Asha(徐㴓喬)頂上。唔少網民都紛紛留言表示贊成,例如「好行,唔送」、「Asha做主持都 ok 呀」、「走咗唔好返黎,見佢幫tvb 拍野已經半年無睇過頭盔終於可以睇番」、「下個禮拜四開始睇戴頭盔先」、「晚吹終於換人 心感恩惠」及「有新主持都幾好」等等,同時亦有網民指林二汶唔係ViuTV藝人,佢自由身身份可以去邊都得。

《聲夢傳奇2》記者會直播截圖
《聲夢傳奇2》記者會直播截圖
《晚吹-又要威 又要戴頭盔》截圖
《晚吹-又要威 又要戴頭盔》截圖
《晚吹-又要威 又要戴頭盔》截圖
《晚吹-又要威 又要戴頭盔》截圖
林二汶 & 余迪偉
林二汶 & 余迪偉
林二汶
林二汶
徐㴓喬
徐㴓喬
徐㴓喬
徐㴓喬
林二汶
林二汶
林二汶
林二汶
林二汶
林二汶
林二汶
林二汶

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能