林作以天價$57,000賣拳賽有味短褲 網民:未洗有興趣

·2 分鐘文章
林作
林作

鍾培生(Derek)與林作嘅百萬擂台戰,年頭未開戰已成為城中熱話,直到上月18日正式上演,二人打咗4個回合後,最終由鍾培生以點數勝出!輸家林作早前亦已經收下鍾培生嘅逾94萬港幣支票,原本大家以為告一段落,估唔到去到今日都仲有花生食。日前林作拍片上載到社交網站搞拍賣,希望將自己喺賽事中所穿住嘅短褲賣出。

林作因幫支持佢嘅朋友買飛入場,被主辦嘅鍾培生扣咗57,000元,最後實收94萬3千港元。林作似乎真係好想湊夠一百萬,所以佢日前就拍片上載到社交網站,留言話:「各位,我在拳賽獲得94萬3千左右的勸酬,將近57000元被扣作購買門票費用。由於食水太深,本人決定將當晚作為英勇外賣仔所著嘅、印有我暱稱 Jolam 嘅拳賽短褲拍賣,作價57000元整,以圓本人實收100萬拳酬嘅心願。 買黎著住訓覺又得,搞嘢都得,得咗! DM我」片中林作赤裸上身 ,只穿上當日嗰條繡有「JOLAM」嘅黑色短褲,其後更將短褲出去,只剩下一條黑色三角內褲。唔少網民都紛紛留言話有興趣買,更有網民搞笑留言話:「有冇擺過落洗衣機 洗過唔要」、「未洗有興趣」、「我買左 係咪都可以打贏鐘生?」及「想買條底褲多D 值幾錢呀」等等,另外亦有網民話條褲唔值呢個價同食水深。

林作喺接受傳媒查詢時就話有唔少賣家想買,亦與就同緊佢哋傾洽中,因為銀碼大嘅關係,所以仲未有人真正落訂,指價錢係有得傾嘅,只要買家係有誠意就可以,不過就一定要過萬元。另外,佢仲話為咗有出售嘅一日,呢條短褲從來冇洗過,更以真空方式處理。

林作
林作
林作
林作
林作
林作
林作 & 裕美
林作 & 裕美
鍾培生 & 林作
鍾培生 & 林作

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能