林作被打腫眼 林媽媽豪擲100萬勸退賽 網民質疑想縮沙

·2 分鐘文章
林作
林作

林作與鍾培生嘅百萬擂台戰,較早前落實於9月中舉行,呢場花生指數爆晒燈嘅賽事令到唔少人都非常期待。喺正式對戰前,二人積極備戰密密操練,林作更不時上載練習片段與網民分享。

不過喺噚日,佢就上載一張自己被打腫眼嘅照片到社交網站,並留言話:「今日將我的打腫眼照片send俾身在內地的媽媽,媽媽馬上打來,要求我退賽。佢話:我俾100萬你,你唔好打啦。」之後,佢再問網民嘅意見話:「大家覺得,我應該攞我老母100萬,定攞終賠生100萬?我係裙腳仔嗎?」之後,佢再出PO留言話:「Yo man, 隻眼入面有機會少少裂左,再操落去或者練落去或者比鐘追住黎打呢個位都有爆眼骨風險,你自己小心呀!可大可小」。網民們都紛紛留言,當中唔少人提議佢拎晒媽媽及鍾培生嗰100萬,留言話:「Why not both 小朋友先做選擇!」、「兩邊都攞,先攞阿媽嘅」、「同你媽話唔打 拎左一百萬先 再上台打 再拎一百萬」及「第3選擇 - 攞完你老母100萬 再攞鍾生果100萬」。

另外,亦有唔少網民懷疑佢想縮沙唔打,留言話:「暗示唔對戰」、「係咪想退賽?係就一個字!唔係就兩個字!!」、「唔係宜家先縮呀!」、「笠水?」。

林作
林作
林作 & 鍾培生
林作 & 鍾培生
林作
林作
林作
林作
林作 & 林媽媽
林作 & 林媽媽
林作
林作

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能