林保怡爆25年前齊爭樂壇新人獎 鄭秀文O嘴扮失憶

周家怡、鄭秀文同林保怡都鍾意食野減壓。

【星島日報報道】鄭秀文(Sammi)完成紅館8場精彩演唱會之後,馬不停蹄宣傳新碟。其中,新歌《我不是歌手》拍成一連三集的超迷你音樂劇集,第一集今午3時在Sammi的Facebook專頁首播。 今次Sammi特別邀請人氣劇集《瑪嘉烈與大衛系列 綠豆》台前幕後班底,除了兩位導演,還有「大衛」林保怡和「瑪嘉烈」周家怡主演,男神王宗堯和游學修客串演出。為了讓歌迷有新鮮感,Sammi花盡心思,說:「多謝兩位導演,喺短短一個MV時間入面度咗個好故事、好多細節、好多橋,整個故事穿插得好精彩。令我呢首歌更加完整,好開心!既然請到保怡和家怡兩位演技派參與,梗係要好好利用佢哋的演技,今次有好戲睇!」原本身旁的保怡話要賣關子,點知他愈講愈興奮,講到眉飛色舞,幾乎穿橋之際,Sammi和家怡立即喝止他,非常搞笑。 雖然Sammi與保怡相識多年,一埋位就非常合拍,但原來他們從未合作,不過保怡就透露了一個令Sammi尖叫的情報。他說:「我哋從未合作過,今次係第一次,但我哋係同期樂壇新人!」身旁的Sammi立即驚訝O晒嘴,然後哈哈大笑說:「吓?係咩?嘩,幾十年前的事,唔記得啦!」原來他們分別於1988年加入樂壇,同於1991年角逐新人獎項,之後保怡往電視圈發展,Sammi就留守樂壇並進攻影圈,今次是他們相隔25年後在樂壇再度碰頭,而且首度合作。 音樂劇故事講述Sammi、周家怡和林保怡是都市寂寞人,他們透過不同方法「解悶」,他們在戲裹關係複雜,性格與本人非常大差異,絕對是演技考驗。Sammi在戲裹經常用相機紀錄事情和自言自語;保怡性格孤僻和有潔癖;家怡就說話滔滔,導演cut機後,眾人都笑她:「你真係好鬼煩呀!」 現實中,Sammi、保怡和家怡如何舒解寂寞感覺?他們想也不想就異口同聲說:「食野!」家怡補充:「做運動,唔好畀自己寂寞!」Sammi笑說:「唔好畀自己肥就真!」保怡感歎:「又鍾意食野但又唔可以肥,真矛盾!」Sammi建議蔬菜當零食,家怡自言鍾意食內臟,所以要特別節制,Sammi聞言大叫:「哎呀,我都好鍾意食內臟,我係『內臟王』嚟架!」不用埋位時他們就雞啄唔斷交流搵食心得,氣氛愉快。

睇更多