林夏薇升格「獸醫」經驗搭夠

林夏薇有多年養狗經驗,與狗狗演戲都零舍得心應手。
林夏薇有多年養狗經驗,與狗狗演戲都零舍得心應手。

視后林夏薇早前完成無綫劇集《法言人》後,便無縫連接投入另一新劇《寵愛Pet Pet》拍攝,飾演獸醫的她受訪時表示,每日開廠也很熱鬧:「有好多動物,蛇、兔仔、貓、狗、蜥蜴等,同我最多對手戲嘅係狗狗『冬甩』,飾演我嘅愛犬。(你唔出動3隻愛犬拍攝?)唔得啦,我照顧唔到咁多,因為要專注喺角色,分唔到身。」她指今次終於可以將多年養狗經驗大派用場,還大讚「冬甩」非常聰明:「佢係千挑萬選突圍而出,首次見面已經好熱情。(同寵物演戲好難?)一齊演係高難度,因為佢哋集中力唔會好長時間,所以要拍佢哋先,好在全部都好乖。」