林家棟上門向88歲謝賢拜年 謝婷婷晒與哥哥謝霆鋒父子遊日照片 囡囡生父疑似曝光?
現年88歲嘅「四哥」謝賢,前年憑電影《殺出個黃昏》成史上最高齡嘅金像獎影帝。之後,謝賢甚少公開露面,更頻頻被傳出身體狀況大不如前,曾一度有傳中風入院。深居簡出嘅謝賢,喺今個農曆新年似乎留家度歲,而後輩兼好友林家棟上門拜年。照片中嘅謝賢雖然冇咩笑容,不過精神尚可。
而謝賢囡囡謝婷婷(Jennifer)喺19年突然宣布已秘密產女,之後便淡出幕前移居加拿大溫哥華低調生活,專心享受湊女生活。日前佢就喺社交網站上載家庭旅行照片,而同行除咗有哥哥謝霆鋒與其兩個囝囝17歲謝振軒(Lucas)及14歲謝振南(Quintus)之外,仲有囡囡及疑似係佢老公嘅外國型男。謝婷婷一如以往用emoji遮住囡囡嘅外貌;Lucas就已經生得高過爸爸謝霆鋒,而Quintus亦都同爸爸差唔多高。
謝婷婷囡囡生父一直成謎,有指Jennifer與囡囡生父喺溫哥華讀書時認識,亦係當地嘅有錢商人。另外,亦有網民曾揣測生父喺溫哥華富家公子「Mr.Francois」或曾被Jennifer喺IG Story標記嘅加拿大企業總裁Mark。
按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!