林家謙被傳與靚女主播呂德琳拍拖多年 網友仲列出兩大證據

林家謙被傳與主播呂德琳拍拖多年
林家謙被傳與主播呂德琳拍拖多年

現年31歲嘅唱作歌手林家謙,對感情事一向相當低調,佢喺2019年以歌手身份出道以來都極少爆出緋聞,真係好神秘呀!直至近日有網民喺討論區出PO爆料指自己喺太子見到林家謙同女朋友行街,之後有網民翻出女朋友嘅分身,原來佢就係靚女新聞主播呂德琳(Vicky)。

近日有網民喺討論區出PO爆料指自己喺太子見到一個同林家謙有9成相似嘅人,同女朋友行街。因為樓主冇提供相片嘅關係,令唔少網民都估計佢認錯人,因為而家人人都戴著口罩。之後,樓主仲補充指該名疑似女朋友係「少肥,拖晒手」,搞到有網民搞笑問係唔係林家謙好友Serrini。不過亦有網民爆料指林家謙同靚女新聞主播呂德琳已經拍咗好年拖,並搵出二人交往嘅證據。

第一,主播呂德琳多次喺出鏡時戴上林嘉謙紅館演唱會嘅限量版口罩,去到近日佢喺主持節目時自爆喺暑假期間睇咗唔少演唱會,當被問睇咗啲咩演唱會時,佢就話草蜢演唱會,不過其他主持人就唔係好信。另外,網民仲上載疑似佢哋戴情侶手錶嘅相片,林家謙戴黑色,而呂德琳就戴白色。

林家謙
林家謙
林家謙
林家謙
林家謙
林家謙
林家謙
林家謙
呂德琳
呂德琳
呂德琳
呂德琳
呂德琳
呂德琳
呂德琳
呂德琳

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!