林愷鈴未拍過拖 為情自殘

林愷鈴笑指自己於感情方面較遲鈍。
林愷鈴笑指自己於感情方面較遲鈍。

「最索星二代」林愷鈴(Ashley)及新演員伍詠詩首次拍電影,片中Ashley的角色愛情至上,但她坦言現實中是理性派,亦未曾拍過拖:「學業同工作比較吸引到我。(多人追?)我喺呢方面比較遲鈍。」講到沒有拍拖經驗,怎樣演繹片中為情𠝹手的一幕?她表示與角色最連繫到的是同情心:「我去到碼頭,唔知點解一拎起刀就好傷感。」問到首次拍戲,媽媽龔慈恩可有給予意見?她笑說:「我遇到塞住咗嘅地方都有問佢,但媽咪反而唔想教我太多,佢覺得我呢刻最寶貴嘅係熱誠、真誠同年輕人嘅青春。」

伍詠詩則表示戲中的爸爸與她的爸爸同樣是大男人,不懂表達對女兒的愛:「好彩自己大個咗,明白爸爸只係唔識表達對我嘅愛,依家我哋會溝通,關係好咗。」

林愷鈴(右)與伍詠詩齊齊分享首次拍戲的經驗。
林愷鈴(右)與伍詠詩齊齊分享首次拍戲的經驗。

【相關搜尋】林愷鈴