林日曦預晒期拍真人show臨時被飛 原因「高層唔ok我」網民激估邊個台

林日曦預晒期拍真人show臨時被飛 原因「高層唔ok我」網民激估邊個台
林日曦預晒期拍真人show臨時被飛 原因「高層唔ok我」網民激估邊個台

曾經係網媒100毛「腦細」嘅林日曦,最近忙於演出舞台劇《大初戀日》,但尋日出post自爆臨時被飛出電視台真人show,原因係「高層唔ok我」。

林日曦寫道「某個電視台,有一個節目搵我嚟緊七月、八月、九月、十月,共拍攝15集全新真人show節目。而且除了拍攝時間外,他們說我要花大量私人時間練習和鍛鍊,而我立刻說了ok,因為那是我從前很喜歡但放低了很長時間的項目,而且件事對於我來說非常熱血」。近期唔少國家重新開放俾旅客,林日曦本來打算完show後去旅行,兼且處理手上創作工作,但由於節目題材令林很感興趣,於是佢喺製作組確定拍攝後,更改計劃同行程,並盡力配合拍攝。

不過半個月後,製作組通知「腦細」被飛出節目,原因係「高層唔ok我」。由於林日曦同電視台冇簽約,「我冇打算追究亦都冇得追究」,但仍難掩失望之情,「我好鍾意依個idea,真係覺得好熱血,可惜現實比較冷血,我錯付了熱情」。

林日曦預晒期拍真人show臨時被飛 原因「高層唔ok我」網民激估邊個台
林日曦預晒期拍真人show臨時被飛 原因「高層唔ok我」網民激估邊個台

唔少人留言為「腦細」打氣,曾經合作過舞台劇嘅杜汶澤更加話「畀個名我」!網民們亦紛紛估到底係邊個台。事有湊巧,ViuTV近期為節目《演奏1TAKE過》招募參加者,節目應該同之前嘅《1TAKE過》形式相若,即係搵素人學藝,再上台表演,同林日曦所講嘅節目好類似。加上林日曦曾經為ViuTV開台作《跟住矛盾去旅行》同立法會議員蔣麗芸出埠拍攝,「腦細」同部份Viu嘅幕後因此認識,更加似層層!

亦有人話香港唔止一間電視台,「開電視」都有嫌疑。至於TVB,雖則曾經搵過林日曦填唔少劇集歌歌詞,但大台開節目多數益親生仔女,又唔似喎。點都好,相信呢個節目出街之後,一定有唔少人「關注」。

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能