林泳淘簽字做人妻

林泳淘上載甜蜜婚照報喜。
林泳淘上載甜蜜婚照報喜。

前「東張女神」林泳淘早前宣布與拍拖14年的初戀男友林卓立結婚,昨日她網晒婚照,自爆已低調簽字,並透露決定結婚是因為兩次意外:「話說大約一年前,我同林生因為輪流炒車,我就帶咗佢去拜拜還神(感謝神,最緊要人冇事),師傅見到我哋個八字就話,哇,你兩個人真係天作之合,個八字咁夾嘅,有冇諗住結婚呀?林生就好爽快咁話 : 有呀!」原來男友早已訂好戒指,只因疫情關係而未送抵香港:「師傅好快就畀咗兩個日子我哋,而其中一個,咁啱就係我哋嘅拍拖紀念日。」她笑言一切像整定:「我哋應該會繼續相愛相殺直到海枯石爛,直到生命終結,直到永遠永遠。」