林盛斌冇追張致恒還錢

東方日報
·1 分鐘文章
張秀文笑言與林盛斌可以角逐視后視帝。
張秀文笑言與林盛斌可以角逐視后視帝。

藝人林盛斌(Bob)與張秀文昨日在將軍澳電視城為節目《你又估我唔到》錄影,Bob指造型比第一輯更認真,連兒子也認不出他,秀文取笑他說:「你把聲攰到好似食完煙嘅金田一咁。」她又笑言節目造型認真兼入戲,今年應該不再是角逐「最佳主持」,應競逐視帝、視后。

講到有指張致恒被追債「着草」,債主之一的Bob說:「人生總有高低起跌,都叫佢快啲搵嘢做,佢話可能返大陸做嘢。(有冇問你再借?)冇,亦冇追佢還錢。(話佢走佬?)作為朋友,聽到都唔開心,其實佢係叻仔,希望有機會可以發展番演藝事業,可以過到呢一關,盡快還清啲債。」

嘉賓李幸倪(Gin Lee)首次為無綫拍攝綜藝節目,第一次踏足古裝街,心情相當興奮,她笑言有幻想過拍古裝,但因輪廓不像古裝人,可能要做番邦公主。無綫與三大唱片公司「破冰」後,她成為無綫與ViuTV的搶手貨,她說:「兩邊都多咗工作,係好事,觀眾都多啲選擇。」