林盛斌爆16歲長女帶男友見家長 暖爸Bob溫馨提示:唔好古靈精怪就得㗎啦
林家有女初長成!林盛斌(Bob)的長女林霏兒現年16歲,Bob最近大爆愛女帶男友回來見家長,更問大家他有甚麼要注意。Bob回覆《Yahoo娛樂圈》,透露對愛女男友的第一印象及與伴侶的相處之道。
Bob日前於IG發文:
「我個女話
今晚帶佢男朋友返嚟見我
請問有啲咩我要注意?」
帖文一出,隨即引起不少圈中好友及網民注意,紛紛留言給予意見。
首次見愛女男友,Bob談到對對方的第一印象:「感覺良好嘅,正正經經,有禮貌,好斯文嘅。(希望囡囡嘅伴侶係一個點嘅人?)都係乖乖地,唔好古靈精怪嗰啲就得㗎啦。(同另一半相處最重要係咩?)咁喺佢哋嗰個年紀,只要正正常常,大家開開心心,我關心你,你關心我,就得㗎啦,太長遠嘅嘢就唔好講啦。」
Bob與太太黃乙頤婚後育有三女一子,一家六口熱鬧又幸福。長女林霏兒如今長得亭亭玉立,索爆的她於IG分享靚相,獲網民大讚青春無敵且十分靚女。