林盛斌自認「龜公」 向王馨平示愛

·1 分鐘文章
林盛斌邀得女神王馨平擔任嘉賓。
林盛斌邀得女神王馨平擔任嘉賓。

前晚林盛斌(Bob)相隔6年再開talk show,獲好友張秀文及未婚夫、朱慧敏夫婦等撐場。曾因「龜頭Bob」登熱搜榜的他自嘲:「大家話我係金牌媒人,所以我依家係龜公,死咗就變龜仙人,啲骨灰可以做龜苓膏!」又指曾被認錯是盧海鵬:「即係啲人將Anson Lo認錯係張立基,咁即係『辱華』,侮辱MIRROR!」

Bob自爆中學時視王馨平為女神,入行後透過微博向女神「示愛」,之後王馨平突然登場獻唱,與Bob十指緊扣及抱抱,全場起哄!完場後Bob表示:「同6年前開騷比較,我覺得自己成熟咗。今次畀自己80分,呢兩年遇上疫情,好想做一啲嘢令大家笑。」

張秀文與未婚夫結伴睇騷。
張秀文與未婚夫結伴睇騷。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能