林盛斌Bob光頭Look任洗頭水代言人 連自己都震驚:原來呢個世界冇嘢冇可能

林盛斌Bob光頭Look任洗頭水代言人 連自己都震驚:原來呢個世界冇嘢冇可能

林盛斌(Bob)係金牌司儀、演員,又有投資開設娛樂公司、NFT,仲係娛樂圈中嘅金牌媒人,簡直係百足咁多爪。不過,你諗都諗唔到一向以光頭Look示人嘅Bob竟然做咗洗頭水代言人?

Bob日前於社交平台寫道:「呢件事話俾我知:原來呢個世界,冇嘢係冇可能嘅」,繼而宣布自己成為洗頭水代言人,又3次用上「好癲」形容呢件事。不過,佢就一盡代言人責任力Sell呢支專為skin head或者超短頭髮而研發嘅洗頭水,表示啱晒好似佢呢種髮型嘅花樣型男,而且香味好好聞,可以溝死女咁話。另外,Bob再出IG Story並話:「我都可以做洗頭水代言人,成件事係咪好勵志呢?」網民亦留言表示睇到之後,覺得無可能發生嘅事竟然發生咗:「搵你做洗頭水代言好有眼光,一定好大迴響」、「下次賣梳」、「我以為生髮」、「只可洗頭,不可洗髮!哈哈哈」等等。不過,都有網民指出,其實Bob呢個skin head唔係唔洗理,而Bob亦曾解釋自己係超級短嘅skin head,本身係有頭髮,唔剪就會生得好快,由讀大學開始愈剪愈短,短到由6mm、3mm變到宜家咁樣,會直接搵助手及工人姐姐幫手用用鬚刨剃頭,兩、三年就要換一個鬚刨。

林盛斌
林盛斌
林盛斌
林盛斌
林盛斌
林盛斌
林盛斌
林盛斌
林盛斌
林盛斌

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!