林鍾大戰︱林作冇瞓低 鍾培生打足4個回合勝出

林鍾大戰︱林作冇瞓低 鍾培生打足4個回合勝出
林鍾大戰︱林作冇瞓低 鍾培生打足4個回合勝出

林作與鍾培生嘅「林鍾大戰」於今晚(9月18日)舉行,呢場世紀大戰讓大家等足半年!開打前林作和鍾培生分別出場,接受現場觀眾的熱鬧掌聲。2人出賽前先由樂隊LMF獻唱「暖場」,之後佢哋壓軸出場,林作唔使1分鐘就行咗出嚟,但鍾培生就「擺姿態」搞咗成10分鐘先落場。

林作全程係咁避,被笑似「Running Man」。
林作全程係咁避,被笑似「Running Man」。
鍾培生最後都冇打到林作瞓低。
鍾培生最後都冇打到林作瞓低。
不過林作都有還擊嘅!
不過林作都有還擊嘅!

第一回合,林作採取逃跑戰術,鐘聲一響就不斷閃避,而鍾培生則一直追住佢跑,被現場評述話林作似「Running Man」。直到鍾培生追上後,林作卻攬住鍾培生不放。旁述更笑言:「林作用金蛇纏絲手纏住鍾培生。」到第二回合,林作採用同一戰術,旁述梁榮忠取笑佢:「睇嚟林作好鍾意交換汗水。」最後經裁判警告後,林作與鍾培生先有幾番交手。

不過林作都被鍾培生打到面腫!
不過林作都被鍾培生打到面腫!
鍾培生好威水!
鍾培生好威水!
賽後林作都笑晒!
賽後林作都笑晒!
裕美呵番!
裕美呵番!

到第三回合,林作嘅體力慢慢回落,雖然出拳大開大合,成個人「大搖大擺」,但間中仍擊中鍾培生,相反鍾培生就多次出拳打中林作。到最後第四回合,林作臉上開始有啲傷勢,但打法仍然非常消極,多次趁機攬住鍾培生,而且腳步都唔太穩。最後鍾培生都唔能夠KO林作。鐘聲打響後,鍾培生教練團隊走上台指罵林作,被裁判、林作教練阻止,一班黑衫保安亦衝上台,場面頗為混亂。最後大會宣布鍾培生勝出。林作於台上受訪,雖成為輸家但依然牙擦,並表示:「我唔小心打爆佢個鼻。」鍾培生即反駁:「冇,係我打爆佢個嘴。」而現場所見,林作個嘴的確又紅又腫,鍾培生面上則唔見有傷痕,鍾培生之後仲話:「希望林作學識尊重人,唔好恰女人同抽少啲水。」