梁天琦：「我不會參與補選亦不會助選」

【星島日報報道】本土民主前線發言人梁天琦接受一個電台訪問時表示，今次宣誓和釋法風波，「我不會參與補選亦不會助選」。 就宣誓和釋法風波，一直無出來說話的梁天琦接受now訪問時回應：「補選，我不會選，同埋助選亦應該不會了，我想今次已辜負了很多選民對我的期望，我覺得係反省的時候，而唔係『死纏爛打』」。 在立法會選舉後，梁天琦以顧問角色協助青政，但對梁頌恆及游蕙禎用什麼方式來宣誓，梁天琦表示並不知情。梁天琦指：「這個是我要付出的代價，既然我無留喺立法會入面，與他們共事，而係俾了佢哋立法會的自主權，而得出呢個結果，是大家要共同承擔」。 梁天琦認為與梁頌恆及游蕙禎是同一條船：「佢哋已付出了很多，相信無幾多人，在宣誓嗰一刻或宣誓後嗰一兩日，預算到人大會釋法。」 他又解釋為何這段時間一直沒有回應事件：「反抗人大會釋法的話，一定要鼓動或鼓吹更多人出來，但我無法走到最前，咁樣同我以前的做法晤同，咁樣咪即係『人地去做自己唔做』，我唔想咁樣，所以選擇一句說話都無講，要俾答案的話，是我懦弱，唔想而家要即時被還柙，好對唔住，我做唔到大家期望我能做到的事，我無做到企在最前線去對抗這次人大釋法，我今次選擇了自己咁樣去做。」 在年初的旺角騷亂中 梁天琦被控兩項參與暴動罪及一項煽動暴動罪，准保釋，案件排期2018年1月在高院審理。

睇更多