梁思浩爆男藝人生吞貓眼當補品 苑瓊丹撐真有其事

東方新地
·3 分鐘文章

梁思浩向來好敢言,日前他與苑瓊丹和李日朗一同主持網上電台節目《大家「真」風騷》時,大爆有男藝人為了以形補形,生吞貓眼的駭人事件。梁思浩爆料後苑瓊丹亦表示有所聽聞,不過梁思浩就被網民指吹水唔抹嘴,冇證冇據又唔開男藝人名,話係梁思浩炒作居多。

撰文:東方新地 圖片:梁思浩IG、影片截圖

梁思浩在網上電台節目中大爆N年前有男藝人生吞貓眼當補品。
梁思浩在網上電台節目中大爆N年前有男藝人生吞貓眼當補品。

梁思浩爆手法殘忍

梁思浩表示當年在《K-100》看到該名男藝人的訪問,他提到自己會用一種補品令雙眼炯炯有神,不過就以「唔方便講」為由拒絕透露更多。在好奇心的驅使下,梁思浩曾詢問無綫的一個劇務,從他口中得知驚人事件,梁思浩說:「有一次我睇咗個男藝人訪問,睇完後我逢喺電視城見到佢,都會藐佢,賤格!嗰次《K-100》訪問佢,有人話佢拍戲好醒神,佢話係呀,長期保住自己眼神,所以有啲嘢補下,但呢啲唔方便講,佢話每次返國內拍戲,都叫劇組『咁樣咁樣』。當時佢冇好仔細講,之後我問無綫一個劇務,我話上次睇訪問,有冇咁嘅事,你知我鍾意尋根究柢。唔係劇務話我知,我都唔相信呢個世界有人做呢樣嘢﹗」

梁思浩直斥該名男藝人手泠殘忍非常賤格,李日朗亦大鬧該男藝人正畜生。
梁思浩直斥該名男藝人手泠殘忍非常賤格,李日朗亦大鬧該男藝人正畜生。
梁思浩在社交網預告節目中有三級話題,原來就係男藝人生吞貓眼。
梁思浩在社交網預告節目中有三級話題,原來就係男藝人生吞貓眼。

梁思浩講到七情上面

李日朗聞言問道:「即係點?買狗肉食?」苑瓊丹即說:「我知你話邊個,佢有工具嘅,買支竹然後削尖咗。」梁思浩續說:「佢每次返國內拍戲都叫劇務喺附近買貓仔、中貓,唔要大嘅(貓)……佢有時搵竹,有時搵咖啡匙羹,買咗隻貓返嚟,捏住個頭挖隻貓眼出嚟即食,成對(眼)食。我問過劇務,佢真係睇住佢咁做。」梁思浩繪聲繪影描述該男藝人非常變態殘忍,李日朗聽後抱頭皺眉,忍不住破口大罵:「正畜生!」

梁思浩與苑瓊丹都是性情中人,二人合作主持網上電台節目中不時爆料。
梁思浩與苑瓊丹都是性情中人,二人合作主持網上電台節目中不時爆料。
梁思浩與苑瓊丹在行內好友眾多,不過講到當年吞貓眼的年老男藝人,二人都不值對方所為。
梁思浩與苑瓊丹在行內好友眾多,不過講到當年吞貓眼的年老男藝人,二人都不值對方所為。

苑瓊丹印證真有其事

在旁的苑瓊丹亦說:「我哋同佢開工,大家話唔好瞓覺,一瞓醒就盲咗,好驚呀。」苑瓊丹表示很多人誤信以形補形,她補充:「佢生得忠厚外表,但有奇怪行為,佢唔係匙羹挖貓眼,係用支竹筒『隊』貓眼然後食,佢自己話畀我聽。」

梁思浩雖未有公開男藝人身份,但他表示每次見他都會藐爆。
梁思浩雖未有公開男藝人身份,但他表示每次見他都會藐爆。

網友轉焦點 質疑梁思浩

梁思浩回應傳媒追問時,拒絕透露生吞貓眼藝人的身份,只強調希望大家不要再虐待動物,而且事件發生多年,這位藝人「仍在生不過已非常年老。」梁思浩言之鑿鑿卻惹來網民狂轟,指他吹水冇句真,不過苑瓊丹亦曾親耳聽聞,似係堅喎!

梁思浩爆男藝人生吞貓眼當補品 苑瓊丹撐真有其事
網友表示「佢淨係可以靠講鬼同是非」,重提他在《國產凌凌漆》的演藝高峰⋯⋯
梁思浩爆男藝人生吞貓眼當補品 苑瓊丹撐真有其事
由於揞名爆又無更多線索,網民嚴重質疑梁思浩的可信程度⋯⋯
梁思浩爆男藝人生吞貓眼當補品 苑瓊丹撐真有其事
梁思浩爆男藝人生吞貓眼當補品 苑瓊丹撐真有其事
梁思浩爆男藝人生吞貓眼當補品 苑瓊丹撐真有其事
梁思浩爆男藝人生吞貓眼當補品 苑瓊丹撐真有其事

相關文章:賣甜品賺過億!梁思浩 進駐千萬獨立屋

延伸閱讀:

《踩過界II》落實11月開播、與《使徒行者3》夾攻台慶檔期

《使徒行者3》大結局謝天華、姜酷文、吳卓羲客串「臥底彩蛋」!全台200藝員參演唯獨無咗⋯⋯

【相關搜尋】梁思浩拒戴口罩開咪