梁思浩與無綫決裂18年終放低與樂易玲恩怨破冰回巢 升呢《通靈之王》監製兼主持

梁思浩與無綫決裂18年終放低與樂易玲恩怨破冰回巢 升呢《通靈之王》監製兼主持
梁思浩與無綫決裂18年終放低與樂易玲恩怨破冰回巢 升呢《通靈之王》監製兼主持

梁思浩與無綫電視決裂18年,獲無綫電視總經理曾志偉親自邀請回巢,擔任台慶節目《通靈之王》監製兼主持。近日,梁思浩PO出企喺無綫門口嘅照片及《通靈之王》宣傳照:「18年後的終極緣份2.0。18年前離開這個門口我個身份係一個演員,18年後回來這個門口我個身份係一個監製兼主持人,多謝我經理人讓我圓夢。」《通靈之王》將於7月6日翡翠台首播,逢星期一至三晚上10時半至11時15分播出,共有15名參賽者參加通靈比賽,仲搵嚟玄學家李居明、麥玲玲、西洋魔法顧問Jessica等為節目提供中西玄學相關專業知識;梁思浩直言希望大家可以鼎力支持自己首個回歸無綫嘅重頭節目。

梁思浩於2004年被無綫裁員,當時嘅佢多次公開指責無綫無情,與無綫高層陳志雲及樂易玲隔空開火,反擊樂易玲指佢多年無劇拍嘅指控,又指樂易玲手上有份黑名單,只要兩大高層仲喺無綫,自己都返唔到去。去年8月,梁思浩宣布退出做咗17年嘅有線電視靈異節目《怪談》,基於當時與無綫簽定保密協議,未能向有線坦言去向,又被高層誤會佢身患絕症而請辭,自覺難堪。直至保密協議到期,梁思浩終在同年10月承認回巢無綫,仲話雖然好多嘢改變咗,但係無綫係佢第一份工,份情係冇改變到。

事隔18年,梁思浩態度180度轉變,仲話自己欠樂易玲一個道歉。梁思浩曾接受媒體訪問時反思自己當年鬧得太盡,仲話如果自己係樂易玲,聽到呢啲說話都會火上心頭,人大咗、睇法唔同咗令佢學識放下;梁思浩仲表示自己曾向一位圈中人搭路與樂易玲擺和頭酒,希望親口向對方講聲對不起。

《通靈之王》預告截圖
《通靈之王》預告截圖
《通靈之王》預告截圖
《通靈之王》預告截圖
《通靈之王》預告截圖
《通靈之王》預告截圖
梁思浩
梁思浩
梁思浩
梁思浩
梁思浩
梁思浩
梁思浩
梁思浩
梁思浩
梁思浩
梁思浩
梁思浩

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能