梁漢文巡唱被搣籮 諗計還拖

東方日報
東方日報 OrientalDaily
梁漢文在美國巡演,未料粉絲太熱情,趁人多混亂揩油搣偶像Pat Pat。
梁漢文在美國巡演,未料粉絲太熱情,趁人多混亂揩油搣偶像Pat Pat。

歌手梁漢文美國巡唱慘遭連環性騷擾,被Fans先包圍後掃背,再大力搣屁股,揚言「接受唔到」的他,估計是近期狂操無敵「優質股」而惹禍;大爆有狂迷變身「飛天蠄蟧」,罔顧安危由二樓高台一躍而下,只為拿他的隨身物。

48歲天生童顏的梁漢文(Edmond)日前在美國舉行巡唱後,在後台和一眾VIP華裔美女拍照留念,被當作人肉蠟像亂摸,他說:「有啲Fans好熱情,摸完背脊,仲搣我Pat Pat,有啲都幾有力水(0架),係大力咗啲囉!(重要部位可有遭殃?)咁又冇。」雖然內心難受,但體諒到Fans可能太肉緊所致,故沒有發難且保持笑容。問可有被性騷擾感覺?他指類似情況,經常有機會遇上,早前他和ViuTV合作,拍了有關辦公室性騷擾的劇集。

係老婆嘅「長揸股」

問到下次可會叫太太林文慧做貼身保鏢?他指今次太太沒有同行,笑言會叫助手在身邊保護,要「以牙還牙」:「叫助手睇到邊個搣我,就幫我搣番佢哋……講笑啫。(係咪因為網上晒『床照』,令Fans狂性大發?)可能同結實嘅『優質股』有關,以前瘦蜢蜢平平無奇,近年日操夜操,今次美國之旅,開騷前仲有練跑步,所以好好肉地。」又指雖然太太知道他常被「抽水」,但沒有呷醋:「佢知道我係佢『長揸股』。」又說因衞生問題,抗拒被咀嘴及錫面。

Fans「跳樓」為擸鞋

談及狂迷的瘋狂表現,他指最難忘有次在內地開騷,在台上火速換衫後,遺留了一對鞋在帳篷,助手發現時折返欲取回,卻遍尋不獲,與大會保安翻查CCTV時發現原來被Fans擸走:「個Fans喺台邊成兩層樓高嘅觀眾席,趁冇人留意,一嘢跳落嚟再衝上台,攞咗對鞋就閃走咗。」對具紀念性的鞋被偷,感到很心痛。

梁漢文笑言自己是太太的「私人長揸股」。
梁漢文笑言自己是太太的「私人長揸股」。

















你可能還想看