梁芷珮帶8歲囡囡染頭髮遭批評唔識教女

·3 分鐘文章
梁芷珮帶8歲囡囡染頭髮遭批評唔識教女
梁芷珮帶8歲囡囡染頭髮遭批評唔識教女

農曆新年就到啦!好多人都會喺新年前剪頭髮,除咗送舊迎新之外,亦都希望新一年事事順利。旅遊達人梁芷珮(Christy)都一樣,近日佢就帶8歲囡囡Kasey去整頭髮,諗住以新造型過新年。梁芷珮更將染髮過程拍成vlog放上社交網站同大家分享,但就引起唔少網民批評。

喺vlog中,Kasey將少少髮尾染成粉紅色Highlight, Kasey對於新髮型都相當開心同興奮,但網民們就紛紛留言批評梁芷珮教育方法及唔識教女,話佢「教養子女的方法很奇怪,很短視,以一時之樂趣而不顧後果」、「咁樣消費小朋友,今次染髮,下次就帶佢紋身,點樣嘅父母,點樣嘅仔女」、「教壞細路」等等,及認為染頭髮會影響小朋友健康及心智,長大有可能變成另一個飛女。

對於呢件事梁芷珮出PO解釋,留言話:「都係同個女喺原本諗住剪短嘅頭髮尾同埋髮底染啲highlight啫,髮型師用咗天然成份嘅lighting cream 同water color上粉紅色 ,其實玩幾個禮拜啲色就會自然甩,之前我喺玩具店都買過啲即日water color嚟玩,只不過呢隻質地再靚啲,更加高質數嘅可以hold耐啲...幾條喺髮底嘅highlight可以比網民批評我唔識教女,變港女變飛女,心智問題,冇家教,搖錢樹,搏出名,亂咁消費小朋友,下次會帶佢去紋身等....其實過年後,粉紅色會甩,頭髮會剪,件事好簡單㗎咋...大家可能唸多咗喇...」

不過都有部份家長支持梁芷珮及大讚囡囡好可愛,留言:「趁細個又唔使返學,可以多嘗試,留下美好回憶」、「唔需要理會, 有部分人就係鐘意站係道德高地上咩都要批評. 你點教小朋友其實其他人無權過問. 而且染個頭髮d人攪到好似好傷風敗德咁, 好誇張思想好老土, 而家咩年代?!」、「我覺得好靚!小朋友去染髮又吾係去做壞事!我都想試下咁樣染呀」及「好靚,不要在意別人的批評,過新年靚下啫,開學就轉返形象,我覺得無問題嘅」等等。

Vlog截圖
Vlog截圖
Vlog截圖
Vlog截圖
Vlog截圖
Vlog截圖
梁芷珮囡囡Kasey
梁芷珮囡囡Kasey
梁芷珮一家
梁芷珮一家
梁芷珮 & 囡囡Kasey
梁芷珮 & 囡囡Kasey
梁芷珮 & 囡囡Kasey
梁芷珮 & 囡囡Kasey
梁芷珮 & 囡囡Kasey
梁芷珮 & 囡囡Kasey
梁芷珮 & 囡囡Kasey
梁芷珮 & 囡囡Kasey

按此下載全新應用程式Yahoo APP,並以Yahoo電郵免費登記成為會員,即時可完成簡單任務賺取Ypoints,憑分即可換領不同獎賞! 新人更可即時換領限量新人禮,立即下載!