梅小惠舊愛 曾偉權傳患癌命危入院

·2 分鐘文章
梅小惠舊愛 曾偉權傳患癌命危入院
梅小惠舊愛 曾偉權傳患癌命危入院

今日有多間傳媒報導,入行多年嘅TVB男藝員曾偉權,因為罹患癌症而送院,情況未見樂觀。

據知,59歲嘅曾偉權舊年年尾為有份參演嘅劇集《牛下女高音》做宣傳時,已被傳媒發現消瘦好多,當時權哥解釋係肺部免疫系統出現問題,需要減少工作休養。後來劇集嘅慶功宴以及喺馬來西亞舉行嘅活動都見唔到曾偉權現身,今年2月傳出權哥懷疑患肺癌嘅消息,契妹SaSa冇正面回應。

梅小惠舊愛 曾偉權傳患癌命危入院
梅小惠舊愛 曾偉權傳患癌命危入院

權哥同《牛》劇一班演員有個通訊群組,但係據成員之一嘅歐瑞偉透露,權哥早排已經退出群組,就連手機號碼都取消埋。舊愛梅小惠家姐、TVB前高層梅小青同曾偉權仲有聯絡,但係3月收過對方錄音短訊,權哥同佢講唔使擔心,但係就要透過SaSa聯絡。而曾偉權嘅微博喺佢傳出患病之後已經刪晒所有內容。TVB回覆傳媒查詢時表示,曾偉權以減產為由轉做兼職合約,月前就因為休養而選擇唔續約。

直到今日,有消息話權哥病情急轉直下,被送入將軍澳醫院,有傳媒致電SaSa求證但冇只係話唔方便講電話就收咗線。

梅小惠舊愛 曾偉權傳患癌命危入院
梅小惠舊愛 曾偉權傳患癌命危入院

曾偉權1981年入讀亞視前身麗的嘅藝員訓練班而入行,畢業後2年已經成為劇集男主角,到1990年跳槽無線,但發展平平。2012年轉投香港電視,2015年重返TVB,正在播出嘅《使徒行者3》權哥亦有份參演。

【相關搜尋】梅小惠曾偉權13年情

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能